УИХ-ын дарга Д.Амарбаясгалан УИХ-ын гишүүн Б.Энхбаярыг нэр төр гутаасан хэмээн шүүхэд өгчээ

2025-10-14 14:20:00

УИХ-ын Тамгын газрын дэд дарга Ү.Амарбат үүрэгт ажлаасаа өөрийн хүсэлтээр чөлөөлөгдөж, өмгөөлөгчөөрөө ажиллахаар болсон талаар цахим хуудастаа бичиж байсан юм. 

Түүний хувьд ажлаасаа чөлөөлөгдөөд гуравхан хоногийн даргаа УИХ-ын дарга Д.Амарбаясгалангийн өмгөөлөгчөөр ажиллаж буйгаа цахимаар хуудастаа бичжээ. 

Тэрбээр, "Миний үйлчлүүлэгч Дашзэгвийн Амарбаясгалан нь өөрийн нэр төр, алдар хүндийг гутаасан хуурамч мэдээлэл байнга тараасан асуудлаар иргэн Б.Энхбаярыг Баянгол, Хан-Уул, Сонгинохайрхан дүүргийн шүүхэд өгсөн болно. Уг шүүхээс албан ёсоор иргэний хэрэг үүсгэсэн бөгөөд одоо Б.Энхбаярт нэхэмжлэл гардуулах ажиллагааг хийж байна. Эрхэм гишүүн маань нэхэмжлэлээ гардан авч шүүх дээр хэвлэлээр яриад байгаа асуудлуудаа нотлох үүргийг хуульчилсан байдаг. Хэрэг үүсгэсэн захирамжийг хавсаргав" гэжээ.