Эмчийг үнэлдэг улс л эрүүл ирээдэйтэй улс болж хөгждөг

2025-11-06 14:27:00

Сүүлийн жилүүдэд Монгол Улсад эмч, эмнэлгийн ажилчид цалин, нийгмийн баталгаа, ажлын орчны асуудлаар удаа дараа ажил хаялт зарлах болсон. Энэ нь зөвхөн цалингийн тухай асуудал бус, эрүүл мэндийн салбарын тогтолцоо, төрийн бодлогын чанарыг илтгэдэг үзүүлэлт юм. Эрүүл мэндийн салбарын ажилтнууд бол нийгмийн хамгийн чухал тулгуур багана — тэдний хөдөлмөрийг үнэлэхгүй бол иргэдийн эрүүл мэнд, улсын хөгжилд аюул учирна.

Тиймээс яг одоо эмч , ажилчдын дуу хоолойг “шаардлага” гэж биш, бодлогын зөвлөмж гэж ойлгоод эрүүл мэндийн салбарын тогтолцоонд нэг дорвитой өөрчлөлт хийж өгөөч. 

Эрүүл мэндийн үйлчилгээндээ сэтгэл хангалуун байдал бусад орнуудаас туршлага судлаж үзвэл эмч эмнэлэгийн ажилчдынхаа дараах зүйлсэд анхаардаг юм байна. 

Цалингийн хувьд:
OECD-ийн орнуудад эмчийн дундаж цалин тухайн улсын дундаж ажилчны цалингаас 2–5 дахин өндөр байдаг байна. Мэдээж энэ цалинг дагаад түүнд ирэх ачаалал нэмэгдэж байгаа тул чанаргүй боловсон хүчин байх боломжгүй болно. 

Мэргэжлийн эрх чөлөө:
Эмч нарт судалгаа хийх, эмчилгээний арга барилаа сайжруулах, мэргэжлийн нийгэмлэгт оролцох өргөн боломжийг төр дэмждэг.

Ажлын орчин:
Технологийн дэмжлэгтэй, хүний нөөцийн хангалттай бүтэцтэй орчин бүрдүүлж, эмч нар зөвхөн оношлох, эмчлэх үндсэн ажлаа хийх бололцоотой байдаг.

Эдгээр боломжууд хангадахгүй болохоор эмч нарын  мэргэжлээрээ ажиллаад олон жил болсон ч гэр бүлээ тэжээхийн тулд арга буюу Солонгос руу хар ажил явж Монгол улс эмч сувилагчийн дутагдалд орох хэмжээнд хүрч байна. 

Гэтэл дэлхийд Ерөнхий эмч нар 

• Швейцар: 116 мянган доллар
• Ирланд: 90 мянган доллар
• Канад: 107.200 доллар 
• Герман: 214 мянган доллар
• АНУ: 299 мянган долларын цалин авч ажиллаж байна.  Гэтэл Монголд бидний амь нас эрүүл мэндийг хариуцаж байгаа  мэндийн салбар  одоо ажиллах нөхцөл хангагдаагүй гээд улам доройтож хүний нөөцгүй болж байна.  ТӨК автобусны жолоочид 3 сая төгрөгийн цалин авч байхад өдөр шөнөгүй жижүүрлэн ажиллаж нойр хоолоо хасан байж өдөр шөнөгүй ажиллаж байгаа эмч 1.5 сая төгрөг арай ядан авч байна.  Эмчийг үнэлдэг улс бол эрүүл ирээдүйтэй, эрүүл аз жаргалтай иргэнтэй байдаг шүү.