Согтуугаар тээврийн хэрэгсэл жолоодсоны улмаас хагас жилийн дотор 45 хүн амиа алджээ

2022-08-08 18:00:00

Архи согтууруулах ундааны зүйл хэрэглэсэн үедээ тээврийн хэрэгсэл жолоодон хөдөлгөөнд оролцож яваад осол гаргаж байгаа зөрчил буурахгүй байгаа талаар ТЦА-наас мэдээллээ. 

Энэ оны эхний хагас жилийн байдлаар Цагдаагийн байгууллагын хяналт шалгалтаар согтуугаар тээврийн хэрэгсэл жолоодсон 28288 зөрчлийг илрүүлжээ. Улсын хэмжээнд согтуугаар тээврийн хэрэгсэл жолоодсон жолоочоос шалтгаалсан 671 зам тээврийн осол бүртгэгдэж 45 хүний амь хохирсноос Нийслэлд 9, орон нутагт 36 хүний амь нас хохирсон байна.

Иймд архи согтууруулах ундааны төрлийн зүйл хэрэглэсэн бол тээврийн хэрэгсэл жолоодохгүй байхыг сэрэмжлүүлж байна.