Сэлбэ, Дунд голын ус, голын ойролцоох хөрсний дээжүүдээс ялгадсын гаралтай бохирдол илэрчээ

2025-09-03 09:58:00

Нийслэлд 2025 оны 8-р сарын сүүлчээр орсон усархаг борооны дараа Улаанбаатар хотын Сэлбэ, Дунд голын усны дээж, голын ойролцоох хөрсний дээжүүдэд шинжилгээ хийхэд ялгадсын гаралтай бохирдол байгаа нь тогтоогджээ.

Голын усны дээжээс колиформ, E.coli, Salmonella spp. зэрэг халдварт өвчин үүсгэгч нян, хөрсний дээжид Salmonella spp. илэрсэн байна. Энэ нь үерийн дараа бохир ус, ил задгай хог хаягдал нь голын ус, хөрсийг бохирдуулж байгаагийн илрэл юм. 

Иймд иргэд ариун цэврийг чанд сахих, гараа тогтмол угаах, ил шархтай үерийн усанд орохгүй байхыг Нийгмийн эрүүл мэндийн үндэсний төвөөс анхааруулж байна.