Үндэсний их баяр наадмын нээлт, хаалтын үйл ажиллагааг зохион байгуулах ажлын хэсэг хуралджээ

2025-04-18 11:57:00

Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойн Үндэсний их баяр наадмын нээлт, хаалтын үйл ажиллагааг зохион байгуулах ажлын хэсэг хуралдлаа.

Энэ жилийн наадмын зохиол, тайзны зохион байгуулалт, ерөнхий зураглал, бүтээн байгуулалтын төлөвлөлтийг хийж эхэлсэн ба наадмын нээлтийг 360 градус буюу стадионд байгаа бүх үзэгчдэд хүртээмжтэй байдлаар шийдэж, жуулчдад зориулсан оройны нэмэлт хөтөлбөр, арга хэмжээ зохион байгуулахаар ажиллаж байна.