“Төсвийн шинэчлэл” хуулийн төслийг өргөн барилаа 

2023-01-17 15:25:00

УИХ-ын гишүүн, Төсвийн байнгын хорооны дарга Г.Тэмүүлэн төсвийг ил тод болгох, хулгайг арилгах зорилгоор “Төсвийн Шинэчлэл”-ийн дөрвөн бодлогыг дэвшүүлж, төсвийн холбогдох 14 хуулинд нэмэлт өөрчлөлт оруулах хуулийн төслүүдийг санаачлан УИХ-д өргөн барилаа. Хуулийн төслүүдийг 30 гишүүн дэмжиж гарын үсэг зуран, хамтран санаачлагчаар оролцжээ. 

Төсвийн шинэчлэлийн бодлогын хүрээнд төсвийн тогтвортой байдлыг хангах, ил тод, нээлттэй байдлыг дээшлүүлэх, гадаад зээл тусламж, өрийг хязгаарлах боломжтой болох юм. 

Түүнчлэн хуулийн төслийг баталснаар төсвийн урт хугацааны тогтвортой байдлыг хангаж чадахгүй байгаа асуудал, улс орны гадаад өр, төлбөрийн хэмжээ нэмэгдэж байгаа зэрэг иргэд, олон нийтийн санааг зовоосон олон асуудлыг хязгаарлах, шийдвэрлэх боломжтой болно гэдгийг онцоллоо.