Өнгөрсөн хоногт орон нутагт 58, Улаанбаатарт 106 халдварын тохиолдол бүртгэгджээ

2022-03-16 11:41:00

Сүүлийн 24 цагийн хугацаанд 164 хүнээс халдвар илэрлээ. Үүнээс 106 нь Улаанбаатарт, 58 нь орон нутагт бүртгэгджээ.

Архангай, Баян-Өлгий, Булган, Дархан-Уул, Дорноговь, Дорнод, Орхон, Өмнөговь, Сүхбаатар, Төв, Ховд, Хөвсгөл зэрэг 12 аймагт халдвар бүртгэгдсэн. Бусад аймагт халдварын тохиолдол гараагүй байна.

Мөн өнгөрсөн хоногт нас баралт бүртгэгдээгүй. Сүүлийн гурав хоногт коронавирусийн халдварын улмаас хүн эндсэн тохиолдол гараагүй байна.

Одоогийн байдлаар халдварын улмаас 784 хүн эмнэлэгт хэвтэн эмчлүүлж байгаа бол 2,911 хүн гэрийн хяналтад байна.

Эмнэлэгт байгаа иргэдийн 185 нь хүүхэд бол жирэмсэн эх 33 байгаа юм.