УИХ-ын 13 эмэгтэй гишүүний гурав нь байнгын хорооны даргаар ажиллаж байна

2023-03-08 12:18:00

Өнөөдөр бол Олон улсын эмэгтэйчүүдийн эрхийг хамгаалах өдөр тохиож байна. 

Сүүлийн 30 жилийн хугацаанд давхардсан тоогоор 63 эмэгтэй УИХ-д ард түмний төлөөлөл болж ажилласан байна. 2020 оны УИХ-ын сонгуулиар 13 эмэгтэй гишүүнээр сонгогдсон юм. 

Үүнээс гурван эмэгтэй УИХ-ын байнгын хорооны даргаар ажиллаж байна. Тодруулбал, Байгаль орчин, хүнс, хөдөө аж ахуйн байнгын хорооны даргаар УИХ-ын гишүүн Б.Саранчимэг, Боловсрол,соёл, шинжлэх ухаан, спортын байнгын хорооны даргаар УИХ-ын Г.Мөнхцэцэг, Нийгмийн бодлогын байнгын хорооны даргаар УИХ-ын гишүүн П.Анужин тус тус ажиллаж байна. 

Манай улсын нийт хүн амын 50.7 хувь нь эмэгтэйчүүд. Тэдний 37.2% нь аж ахуйн нэгж байгууллагын удирдах албан тушаалд ажиллаж байна гэсэн статистик судалгаа бий.

Монгол Улс 21 аймаг, 330 сумтай. Үүнээс 36 сум нь эмэгтэй Засаг даргатай байгаа юм.