"Эрдэнэс Тавантолгой" ХК-ийн захирал асан Б.Ганхуягийг үргэлжлүүлэн сар хорихоор боллоо

2023-03-07 17:33:00

Нийслэлийн Прокурорын газраас "Эрдэнэс Тавантолгой" ХК-ийн захирал асан Б.Ганхуягийг үргэлжлүүлэн нэг сарын хугацаатай цагдан хорих таслан сэргийлэх арга хэмжээ авах саналыг шүүхэд хүргүүлсэн билээ.

Тэгвэл тус саналыг хэлэлцэх шүүх хурал өчигдөр Чингэлтэй дүүргийн Эрүүгийн хэргийн анхан шатны шүүхэд болсон юм. Улмаар шүүх хурлын үеэр Б.Ганхуяг шүүгчээс татгалзсан.

Түүний шүүгчээс татгалзсаныг болон үргэлжлүүлэн хорих прокурорын саналыг шүүх өнөөдөр /2022.03.07/ хэлэлцсэн байна. Шүүхээс прокурорын саналыг хүлээн авч, Б.Ганхуягийг цагдан хорих таслан сэргийлэх арга хэмжээг нэг сарын хугацаатайгаар сунгажээ.

Эргэн сануулахад, түүнийг анх нүүрсний хэрэгт холбогдуулан АТГ-аас 2022 оны арванхоёрдугаар сарын 8-нд цагдан хорьсон байдаг. Харин маргааш нь буюу 9-ний өдөр прокурорын хүргүүлсэн саналаар 30 хоног цагдан хорьсон юм.