2035 он гэхэд дэлхий хүн амын хагас нь таргалалттай болно

2023-03-03 12:40:00

2035 он гэхэд дэлхийн хүн амын хагас нь таргалалт, илүүдэл жинтэй болно гэж Дэлхийн таргалалтын судалгааны байгууллагаас (WOF) анхаарууллаа.

Судалгаагаар таргалалт болон илүүдэл жинтэй хүүхдийн тоо нэмэгдэж байгаа бөгөөд 12 жилийн дараа дөрвөн тэрбум хүн илүүдэл жинтэй байж болзошгүй байна. Ялангуяа Африк, Азийн буурай болон хөгжиж буй орнуудад таргалалт огцом нэмэгдэх аж.

Таргалалт нь олон төрлийн өвчний эх үүсвэр болдог бөгөөд дэлхий даяарх таргалалтай холбоотой өвчнийг эмчлэх өртөг жилд 4 их наяд ам.долларт хүрнэ гэв.

Иймд улс орнууд хүүхэд болон өсвөр насныхны таргалалтыг бууруулах, түүнээс урьдчилан сэргийлэхэд анхаарах шаардлагатайг WOF-ын ерөнхийлөгч Луис Бор хэлжээ.

Таргалалтын түгээмэл шалтгаан нь хагас эсвэл хэт боловсруулсан хоол хүнс, хөдөлгөөний дутагдал, хоол хүнсний эрүүл байдлыг хянах сул тогтолцоо, эрүүл мэндийн боловсрол дутмаг байдал зэрэг юм.

Таргалалтыг Биеийн жингийн индексээр (BMI) тодорхойлдог. BMI-ыг тооцохдоо биеийн жингээ өндрийнхөө квадратад хуваадаг байна. BMI = кг (Биеийн жин)/м² (Биеийн өндөр, метр квадратаар)

Ингээд BMI нь 18.5-24.9 байвал хэвийн жинтэй. Харин түүнээс их байвал таргалалттай хэмээн үздэг байна.