УИХ-ын гишүүн А.Адъяасүрэнг яллагдагчаар татжээ

2023-01-18 16:27:00

Нүүрс болон Хөгжлийн банктай холбоотой хэрэгт холбогдуулан шалгагдаж буй хүмүүсийн талаар Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналт тавих 1 дүгээр хэлтсийн дарга Б.Мөнх-Од өнөөдөр мэдээлэл хийсэн. 

Энэ үеэр УИХ-ын гишүүн А.Адъяасүрэнг яллагдагчаар татсан гэв. 

Тэрбээр, "Нүүрсний хулгайн хэрэгтэй холбогдуулан нэрийг нь зарласан 17 хүнээс эрүүгийн хэрэг үүсгэж яллагдагчаар татах саналыг Нийслэлийн прокурорын газарт гаргасан. ЭТТ компанийн захирлаар ажиллаж байсан Б.Ганхуяг, Таван толгой ХК-ийн захирлаар ажиллаж байсан Д.Ариунболд зэрэг хүмүүсийг яллагдагчаар татсан. УИХ-ын гишүүн А.Адьяасүрэнд эрүүгийн хэрэг үүсгэж яллагдагчаар татах тогтоол Нийслэлийн прокурорын газраас гарсан. АТГ-аас зарласан нэр бүхий хүмүүс нүүрсний гэх тодотголтой хэрэгт оролцсон эсэхийг тогтоох шалгалтын ажиллагааг хийж байна" гэдгийг хэллээ.