Анх 2009 онд дэлгэцнээ гарч, гурван "Оскар"-ын эзэн болж байсан шинжлэх ухааны уран зөгнөлт "Avatar" киноны шинэ ангиудын тов албан ёсоор зарлагдлаа. Найруулагч Жеймс Камерон "Avatar" кинонд нэг биш, харин дөрвөн шинэ анги нэмэхээр болсон талаараа өмнө мэдэгдсэн билээ. Саяхан нээлтээ хийсэн Аватар-2 кино гарсан даруйдаа шуугиан тарьсан ба дараагийн ангийг үзэхийг хүсэж буй олон мянган хүмүүс цахим орчноор сэтгэгдлээ илэрхийлээд буй. 

Жеймс Кэмероны уг бүтээл цар тахлын улмаас дөрвөн сар хагасын хугацаа алдсаны үндсэн дээр 2022 оны 12 дугаар сард нээлтээ хийсэн билээ. Нээлтээ хийсэн даруйдаа Вox Office-ийн хамгийн үзэлт өндөртэй киногоор шалгараад байгаа  юм. Мөн Жеймс Кэмерон:  Аватар-3 киноны зураг авалт аль хэдийнээ дууссан. Та бүхэн минь хүлээж байгаарай хэмээн онцлон хэлжээ. 

Одоогийн байдлаар Аватар 3 2024 оны 12 дугаар сарын 20-нд, Аватар 4 2026 оны 12 дугаар сарын 18-нд, Аватар 5 2028 оны 12 дугаар сарын 22-нд нээлтээ хийхээр төлөвлөгдсөн байна. Харин Аватар 6 болон 7-г хэдий санааг нь олсон ч албан ёсны гарах мэдэгдлийг түр хойшлуулаад байгаа юм. 

Аватар 2-ийн үйлд явдалд ойд болон усанд амьдардаг хоёр өөр Нави овгийнхны талаар өгүүлдэг. Хоёр овог аль аль нь амар амгалан амьдрах бөгөөд хүн төрөлхтөн газар нутгийг нь булаан авахаар хүчирхийлэх үед газар нутаг, үр хүүхдүүдээ хамгаалан тэмцдэг. Тэгвэл 3-р ангид танилцуулах Нави овгийнхон нь огт эсрэгээрээ хорон санаат талынхан байх гэнэ.