Нийтийн тээврийн парк шинэчлэлийн хүрээнд  БНХАУ-аас 224 автобусыг 59.5 тэрбум төгрөгөөр авчээ

2023-01-17 09:38:00

Улаанбаатарын нийтийн тээврийн салбарт парк шинэчлэл хийхээр БНХАУ-аас 224 автобус авч байгаа. Үүний 117-г нь Улаанбаатар авч ирж, өчигдрөөс 30 шинэ автобус үйлчилгээнд гарч эхэлсэн. Харин үлдсэн 107 автобусыг нь ирэх сард авч ирэх юм. 

Энэхүү 224 автобусыг хичнээн төгрөгөөр хулдан авч байгааг ил болгохыг олон нийтийн сүлжээгээр иргэд шаардсан. Тэгвэл Нийслэлийн Засаг даргын тамгын газраас шинэ автобусны үнийг олон нийтэд зарлажээ.

Тодруулбал, БНХАУ-ын "Xiamen Golden Dragon" үйлдвэрээс шинэ автобусыг нэг ширхэгийг нь 561,081 юань буюу 265,300,000 төгрөгөөр авчээ. Ингэснээр 224 автобусыг 59.5 тэрбум төгрөгөөр гэрээлсэн байна. Эрээн хотоос автобуснуудыг зөөж авч ирэх зардал нь 11,825,000 төгрөг болж байгаа юм байна. Автобус худалдан авах тендерт БНСУ, БНХАУ-ын нийт долоон компани саналаа ирүүлснээс хамгийн хямд үнэтэйг нь сонгожээ.

Өчигдрөөс 30 шинэ автобусыг техникийн хяналтад оруулан үйлчилгээнд гаргасан бол үлдсэнийг нь Лхагва, Баасан гарагт явуулна.