Өнөөдрөөс нийтийн тээврийн 30 шинэ автобус үйлчилгээнд явж эхэллээ

2023-01-16 09:38:00

Нийтийн тээврийн парк шинэчлэлийн хүрээнд энэ онд БНХАУ-аас 224 автобус оруулж ирэхээр болсон. 

Энэ ажлын хүрээнд эхний ээлжийн нийт 117 шинэ автобус ирсэн байна. Тэгвэл өнөөдрөөс 30 шинэ автобус үйлчилгээнд явж эхэллээ. 

Шинээр ирсэн автобусны техникийн үзүүлэлтээс онцолбол:

• Евро стандартын шаардлага хангасан, 8,400 cc хүчин чадалтай, евро V дизель хөдөлгүүртэй
• Хана, тааз, шал зэрэг эд анги нь гал, усанд тэсвэртэй, туршилтаар нотлогдсон
• Хажуу цонх нь нэг комоос бүрдсэн, бууралттай, цантдаггүй, давхар вакум шилтэй, гулсаж онгойдог
• Заал агааржуулалтын болон иж бүрэн дулаацуулгын системтэй
• Жолоочийн суудал зөөлрүүлэгчтэй, зориулалтын арьсаар бүрсэн, чанга яригчтай
• Нийтийн тээвэрт тавигдах хотын стандартын дагуу уламжлалыг хадгалсан өнгө үзэмж, гадна загвартай
• Тусгай хэрэгцээт иргэнийг тээвэрлэхэд зориулагдсан налуу шат болон тэргэнцрийн бэхэлгээтэй
• Нийтийн тээврийн үйлчилгээний чиглэлийн дугаар, хаяг бүхий цахим дэлгэцийг автобусны урд, баруун, хойд талд байрлуулсан
• Хөдөлгүүрийн хэсэгт галын аюулаас урьдчилан сэргийлэх автомат гал унтраагчтай юм байна.