Х.Баделхан: Батлан хамгаалах салбарт 11,8 тэрбум төгрөг төлөвлөсөн байна

2022-10-26 11:35:00

Өчигдөр Аюулгүй байдал, гадаад бодлогын байнгын хорооны хуралдаанаар Монгол Улсын 2023 оны төсвийн асуудлыг хэлэлцсэн. Энэ үеэр УИХ-ын гишүүн Х.Баделхан батлан хамгаалах салбарт жил бүр бага төсөв баталдаг асуудал дээр анхаарах хэрэгтэй гэж байр сууриа илэрхийлэв.

Тэрбээр “Батлан хамгаалах яаманд хөрөнгө оруулалтын чиглэлд зургаан төсөлд 11.8 тэрбум төгрөг төлөвлөсөн. Гэтэл батлан хамгаалах салбарт техник хэрэгсэл дутагдалтай байдаг юм байна. Жилийн жилд үүнд анхааралтай хандахгүй бол нилээн хоцрогдолтой явж байгаа тал байна.Энэ тал дээр цаашид яаж анхаарах вэ. Үүнд онцгой анхаарахгүй бол болохгүй” гэдгийг тодрууллаа.