Коронавирусийн Омикрон хувилбарын тархалт нэмэгдэж буйтай холбогдуулан Японы Засгийн газар маргааш буюу энэ сарын 30-наас эхлэн бизнес, аялал, оюутан, дадлагажигч зэрэг ангиллын виз олгохоо зогсоож гадаадын иргэдийг хил нэвтрүүлэхгүй байх шийдвэрийг гаргасан байна. Уг арга хэмжээ нь коронавирусийн “Омикрон” шинэ хувилбарын илрэх шинж тэмдгүүд зэрэг дэлгэрэнгүй мэдээллийг олж тогтоох хүртэл үргэлжилнэ” гэж Ерөнхий сайд Кишида Фүмио нэмж онцолжээ.

Япон улс арваннэгдүгээр сарын 8-наас эхлэн тус улсад хүлээн зөвшөөрөгдсөн вакцинд хамрагдсан бизнес эрхлэгчид, оюутан, мэргэжилтнүүдийг хилээрээ нэвтрүүлнэ гэсэн шийдвэр гаргаж байсан. Мөн вакцины бүрэн тунгаа хийлгэсэн гадаадын иргэдийг 10 болон 14 хоногоор тусгаарлахын оронд 3 хоног тусгаарлах хөнгөвчилсөн журам үйлчилж байсан. Эдгээр журмыг дагаж мөрдвөл шаардлагатай газруудад зочлох, нийтийн тээврийн хэрэгслийг ашиглахыг зөвшөөрсөн байсан юм.