Машины хүрдний аппарат хагарснаас осол гарч, 4 цэргийн толгой хагарч, хоёр цэргийн хүзүүний зөөлөн эд гэмтжээ

2022-10-18 10:53:00

Цэргүүд тээвэрлэж явсан автомашины рулийн аппарат хагарснаас осол гарч, дөрвөн цэргийн толгой хагарч, хоёр цэрэг гэмтсэн талаар Хил хамгаалах ерөнхий газрын дарга, Хилийн цэргийн командлагч, бригадын генерал Х.Лхагвасүрэн мэдээлэл өглөө. 

Тэрбээр "Өчигдөр 14 цагийн үед 306-р анги Хэнтий аймгаас цэрэг татаад явж байсан. Нэг ахлагч, нэг офицер 15 цэргийн алба хаагч Түмэнцогт сумаас 40 км-ын зайд яваад зам тээврийн осол гарсан. Шалтгаан нь машины хүрдний аппарат хагарч хажуулдсан. Дөрвөн цэргийн толгой хагарсан. Хоёр цэрэг гэмтсэн гэсний дагуу яаралтай тусламжийн шуурхай бүлэг очиж Хэнтийн нэгдсэн эмнэлэгт үзлэг хийсэн. Хоёр цэрэг хүзүүний зөөлөн эд нь гэмтсэн. Бусад нь зүгээр" гэв. 

Цэрэг тээвэрт тэвштэй машин ашиглаж болохгүй ч олон хүн тээвэрлэх үед хүрэлцэхгүй. Мөн ням гарагт пургон машин осолдож зургаан цэрэг эрүүл өнгөрсөн. Хилийн цэргийн ангид машин тэрэгний асуудал хүнд байна гэдгийг онцоллоо. 

Нийт 1200 гаруй машин байдаг. Үүнээс хамгийн эртнийх нь 90-ээд оны машин. 1-16 жил болсон машиныг энгийн гэж ашиглаж байгаа ч хугацаа нь дууссан талаар тэрбээр мэдээллэв.