Ц.Цогтбаатар жиндээ дэлхийн чансааг тэргүүллээ

2022-10-14 15:59:00

Олон улсын жүдо бөхийн холбооноос дэлхийн аварга шалгаруулах тэмцээний дараагаар дэлхийн чансааг шинэчлэн тогтоожээ. Энэ сарын 12-нд гарсан шинэ чансаагаар эрэгтэй -73 кг жинг Монгол Улсын тамирчин, шинэхэн дэлхийн аварга Ц.Цогтбаатар тэргүүлсэн байна.

Дэлхийн чансааны гуравт байсан тэрээр 6565 оноотой болсноор хоёр байр ахиж ийнхүү нэгдүгээрт бичигдсэн ба эрэгтэй бүх жингийн дундах чансаагаар хоёрдугаарт бичигджээ. Түүний дээр -81 кг жингийн дэлхийн аварга Гүржийн Тато Григалашвили зогсож байна.

Эрэгтэй

• -60 кг жинд Э.Ариунболд найман байр ахиж 5-д, Э.Сумъяабазар хоёр байр ахиж 14-т
• -66 кг жинд Ё.Басхүү нэг байр унаж 3-т, Г.Хэрлэн хоёр байр унаж 16-д
• +100 кг жинд О.Цэцэнцэнгэл нэг байр унаж 4-т

Эмэгтэй

• -48 кг жинд Г.Наранцэцэг нэг байр унаж 7-д, Б.Баасанхүү гурван байр унаж 16-д
• -52 кг жинд Б.Хорлоодой 9-д
• -57 кг жинд Л.Энхрийлэн гурван байр ахиж 8-д, М.Ичинхорлоо нэг байр унаж 16-д
• -63 кг жинд Б.Ганхайч дөрвөн байр унаж 15-д
• +78 кг жинд А.Адъяасүрэн нэг байр унаж 9-д тус тус бичигдэж байна.