О.Цогтгэрэлийг АН-ын бүлгийн даргаар сонгогдсоныг УИХ-ын дарга баталгаажууллаа

2022-08-25 09:30:00

Өнгөрсөн мягмар гараг буюу наймдугаар сарын 23-ны өдөр УИХ дахь АН-ын бүлэг хуралдаж, бүлгийн даргаар О.Цогтгэрэлийг сонгосон. Тэгвэл  өчигдөр УИХ-ын чуулганы нэгдсэн хуралдааны төгсгөлд УИХ-ын дарга Г.Занданшатар АН-ын бүлгээс хүргүүлсэн албан бичгийг уншиж танилцууллаа. 

Ингэснээр УИХ-ын гишүүн О.Цогтгэрэл УИХ дахь АН-ын бүлгийн даргаар сонгогдсон нь албан ёсоор баталгаажсан юм. 

Монгол Улсын Их хурлын тухай хуульд "Бүлэг даргаа гишүүдийнхээ дотроос сонгож, энэ тухайгаа Улсын Их Хурлын даргад бичгээр мэдээлнэ. Нам, эвсэл бүлэг байгуулсан тухай шийдвэр, бүлгийн гишүүдийн нэрийн жагсаалтыг Улсын Их Хурлын даргад бичгээр ирүүлэх бөгөөд ийнхүү ирүүлснээр бүлгийн эрх, үүрэг хэрэгжиж эхэлнэ" хэмээн заасан байдаг.