АМ АСУУЯ: Өвөлжилт сайн уу?

2026-01-29 15:23:00

Монголын өвөл хэзээ ч адал явдалтай өнгөрдөг зарчмаар өнөө өвөл ч бас өдөр шөнөгүй шатахуунд оочрерлож зам дээрээ түгжирсний даар үргэлжлүүлээд лифтэндээ гацацгаах болов. 

Дүн өвлөөр улс орон даяар тог цахилгааны хязгаарлалт хийж гэрт хүйтэн гадаа хүйтэн харанхуй өдрүүдийг яг одоо өнгөрөөж байна. 

Утааны эсрэг арга хэмжээ авч байгаа нэртэй айлуудын янданг буулгаж халаалтыг цахилгаанаар шийднэ гэсэн шийдвэр нь эргүүлээд  ам асууж байна. Энэ шийдвэрээр  гэр хорооллын өрхийн багагүй хэсэг цахилгаан халаагуур, ус халаагч, цахилгаан зуух зэрэг төхөөрөмжүүдийг хэрэглэж байгаа. Гэхдээ тог хязгаарлаж буй эдгээр өдрүүдэд хүний анхдагч хэрэгцээ ч бас дагаад хязгаарлагдаж байна. 

Өвөл бол Монгол Улсын хувьд хамгийн хүнд улирал. Гэтэл эрчим хүч, шатахууны хангамж тогтворгүй байгаа нь “өвөлжилтийн бэлтгэл хангалттай байсан уу?” гэсэн асуултыг зүй ёсоор тавьж байна. Иргэдийн зүгээс төр, холбогдох байгууллагуудаас ил тод мэдээлэл өгч, богино болон урт хугацааны бодит шийдэл гаргахыг шаардаж байна.

Энэ нөхцөлд иргэдийг ойлгомжтой, шуурхай мэдээллээр хангах, хуваарьт хязгаарлалтыг тодорхой болгох, шатахууны нийлүүлэлтийг тогтворжуулах нь хамгийн чухал асуудал болоод байна. Төр, хувийн хэвшил, иргэдийн хоорондын итгэлцэл, уялдаа сайжирч байж л энэ өвлийг харьцангуй бага хохиролтой даван туулах боломж бүрдэнэ.

Өвлийн хүйтэн өдрүүдэд тог, шатахууны асуудал бол ганц салбарын бус, нийт нийгмийн анхаарах ёстой бодит сорилт болоод байна.