Н.Түвшинбаярт 16 жилийн хорих ял оноож, нээлттэй хорих ангид эдлүүлэхээр боллоо

2022-06-09 15:14:00

Н.Түвшинбаярт холбогдох шүүх хурал хоёр өдөр үргэлжиллээ. Шүүх бүрэлдэхүүн 13:30 цагийн үед шийдвэрээ гаргахаар завсарласан. Ингээд шүүхээс түүнийг хорих ялыг бууруулах шийдвэр гаргажээ.

Тодруулбал, Хан-Уул дүүргийн  Эрүүгийн хэргийн шүүхээс Н.Түвшинбаярт 16 жилийн хорих ялыг нээлттэй хорих байгууллагад эдлүүлэх ял оноолоо. 

Эрүүгийн  болон Иргэний хуулийн тус тус заалтуудад үндэслэн шүүгдэгч Н.Түвшинбаяр нь 2,7 тэрбум төгрөгийг хохирогчийн хууль ёсны төлөөлөгч Б.Нандинцэцэгт нөхөн төлсөн бөгөөд шүүгдэгч төлөх төлбөргүй болохыг дурдлаа. Хохирогчийн хууль ёсны төлөөлөгч Б.Нандинцэцэг бусад зардлаа хуулийн дагуу шүүгдэгч Н.Түвшинбаяраас нэхэмжлэх эрхтэй юм.