Согтууруулах ундаа хэрэглэсэн үедээ есөн давхар барилгын дээврээс үсрэх гэж байсан 20 настай эрэгтэйг аварчээ

2022-06-07 09:56:00

Орхон аймгийн Баян-Өндөр сумын Уурхайчин багийн есөн давхар барилгын дээврээс нэг хүн унах гэж байна гэсэн дуудлагыг зургаадугаар сарын 7-ны өдрийн 01:52 цагт хүлээн авчээ.

Тус аймгийн Онцгой байдлын газрын Эрэн хайх, аврах бүлгийн алба хаагчид 01:54 цагт ангиас гарч дөрвөн км замыг туулан 01:59 цагт очиход тус байрны оршин суугч иргэн А /20 настай, эрэгтэй/ согтууруулах ундааны зүйл хэрэглэсэн үедээ есөн давхар барилгын дээвэр дээр гарч унаж /амиа хорлож болзошгүй/ болзошгүй байсныг 57 минут ажиллан эсэн мэнд буулгаж, аймгийн Цагдаагийн газрын жижүүрийн бүрэлдэхүүнд хүлээлгэн өгсөн байна.