Сургууль, цэцэрлэг, орон сууцны хорооллын гаднах спортын болон тоглоомын талбайг 06:00-22:00 цагт нээлттэй байлгана

2022-06-03 17:25:00

Сургууль, цэцэрлэг болон орон сууцны хорооллын гаднах биеийн тамир спортын талбайг хүүхдүүдэд нээлттэй байлгах тухай Хотын даргын захирамж өнөөдөр гарсан байна.

Уг захирамжид ерөнхий боловсролын сургууль, цэцэрлэг, орон сууцны хорооллын гадна байрлах биеийн тамир, спортын болон тоглоомын талбай, ногоон байгууламжийг өдөр бүр 06:00-22:00 цагийн хооронд нээлттэй байлгаж, хүүхэд тоглох нөхцөлийг бүрдүүлэхийг сургуулийн захирал, цэцэрлэгийн эрхлэгч, СӨХ-д үүрэг болгожээ.

Мөн болзошгүй осол, эрсдэлээс сэргийлж биеийн тамир спортын болон тоглоомын талбайн хашаа, хашлага, тоглоомын бүрэн бүтэн байдлыг хангаж, анхааруулга, заавар, зөвлөмж байршуулж, хяналт тавихыг холбогдох байгууллагын удирдлагуудад даалгасан байна.