Эхээсээ төөрсөн хоёр сартай бамбаруушийг байгаль хамгаалагчид тэжээж байна

2022-04-29 17:23:00

Дорнод аймгийн нутагт дөрөвдүгээр сарын 14-25-ны өдрүүдэд ой хээрийн түймэр гарсан. Түймэрт аймгийн төвөөс зүүн урагш 420 км, Халх гол сумын төвөөс 80 км зайд орших Нөмрөгийн дархан цаазат газар өртсөн байна.

Үүний уршгаар энэ хавар мэндэлсэн хүрэн баавгайн хоёр сартай бамбарууш эхээсээ төөрөөд олон хонож байсныг тус хамгаалалтын захиргааны албан хаагчид олж асран хамгаалж, өсгөж бойжуулж буй аж. 


Байгаль орчин, аялал жуулчлалын яам түүний харьяа Тусгай хамгаалалттай газар нутаг хариуцсан хамгаалалтын захиргаанаас арга зүйн туслалцаа авч тэнхрүүлж, байгальд нь эргүүлж тавих юм байна.