Өнөөдрөөс эхлэн зургадугаар сарын 15 хүртэл загас агнахыг хориглоно

2022-04-01 13:11:00

Амьтны тухай хуулиар жил бүрийн дөрөвдүгээр сарын 1-ээс зургадугаар сарын 15-н хүртэл хориглодог. Учир нь энэ хугацаа үржлийн үе гэгддэг. Хоёр сарын хугацаанд загас нь 20 дахин үрждэг бөгөөд хэрэв агнавал тухайн төрөл зүйл устах аюултай юм байна.

Тодруулбал, тус хуулийн 9.2.3-аас 9.2.8 хүртэлх хэсэгт зааснаар:

• Дархадын цагаан загасыг жил бүрийн наймдугаар сарын 1-ний өдрөөс аравдугаар сарын 20- ны өдөр хүртэл;
• Буйр нуурын загасыг жил бүрийн тавдугаар сарын 15-ны өдрөөс наймдугаар сарын 1-ний өдөр хүртэл;
• Омоль загасыг жил бүрийн наймдугаар сарын 30-ны өдрөөс аравдугаар сарын 30-ны өдөр хүртэл;
• Зарам загасыг жил бүрийн есдүгээр сарын 5-ны өдрөөс дараа оны нэгдүгээр сарын 30-ны өдөр хүртэл;
• 5/13/2021 Зургадугаар сарын 15-наас өмнө загас агнавал хохирлыг нөхөн төлүүлж, торгоно
• Алтайн сугас загасыг жил бүрийн зургаадугаар сарын 15-ны өдрөөс наймдугаар сарын 31-ний өдөр хүртэл;
• Бусад загасыг жил бүрийн дөрөвдүгээр сарын 1-ний өдрөөс зургаадугаар сарын 15-ны өдөр хүртэл хугацаанд барихыг хоригложээ.

Хуулиар хориглосон хугацаанд загас агнасан тохиолдолд Зөрчлийн тухай хуулиар хариуцлага тооцно. Ингэхдээ зөрчил үйлдэхэд ашигласан эд зүйл, хууль бусаар олсон орлогыг хурааж, учруулсан хохирол, нөхөн төлбөрийг гаргуулж иргэнийг 300 нэгжтэй тэнцэх хэмжээний төгрөгөөр, хуулийн этгээдийг 3000 нэгжтэй тэнцэх хэмжээний төгрөгөөр торгодог.