Зориулалтын бус хуванцар савны хэрэглээ таны эрүүл мэндэд ингэж нөлөөлдөг

2024-02-28 15:22:00

Нийгмийн эрүүл мэндийн үндэсний төвөөс төмөр, бетон, усны цэнхэр хуванцар саванд нэг өдөр, гурван өдөр, таван өдөр хадгалсан уснаас дээж авч үзэхэд мэргэжлийн хэллэгээр шилжилт явагдсан. Өөрөөр хэлбэл савны өөрийнх нь найрлагад орсон химийн бодисууд усанд нь шилжин орж байсныг тогтоож байжээ.   Мөн бидний сайн мэдэх шар, цэнхэр өнгийн хуванцар саванд хадгалсан усанд хар тугалга болон бусад бодис их хэмжээгээр илэрсэн. Тиймээс усыг хадгалан зөөвөрлөхдөө зориулалтын саванд хийдэг болгох хэрэгтэйг зөвлөж эхэлсэн байдаг. Гэвч одоог хүртэл хуванцар савны хэрэглээ багасаагүй эсэргээрээ нэмэгдэх хандлагатай байна.  

НЭГ ӨРХ ДУНДЖААР ГУРВАН ШИРХЭГ ЦУВРАА ГУРВАЛЖИН ДОТОР 7 ГЭСЭН ТЭМДЭГЛЭГЭЭТЭЙ ХУВАНЦАР ХЭРЭГЛЭЖ БАЙНА

Хуванцар савнуудаас хамгийн аюултай нь цувраа гурвалжин доторх 7 гэсэн тэмдэглэгээтэй сав.  Хүмүүс аль болох хямд, зөөвөрлөхөд амар хялбарыг бодоод "ЗӨВХӨН ХИМИЙН БОДИСЫГ ХАДГАЛЖ, ЗӨӨВӨРЛӨӨД УСТГААРАЙ" гэх зориулалттай саванд усаа хадгалж байна. 1995 онд АНУ-ын Хуванцар үйлдвэрлэгчдийн холбооноос гаргасан ангиллын хамгийн доод ангилал буюу "цувраа гурвалжин дотор 7"-гийн тоо бичсэн тэмдэглэгээтэй нь хорт хавдар үүсгэдэг учир зөвхөн тэр химийн бодисыг хадгалж, зөөвөрлөөд дараа нь устгаарай гэдэг тэмдэглэгээ. Та бүхэн одоо харж байгаа бол цэнхэр савныхаа доод талыг өргөөд үзээрэй. Тосны сав, шар сав, цагаан савнуудынхаа доод талыг үзээрэй. Тэнд 7 гэсэн тэмдэглэгээ байгаа бол ус, хүнс хадгалж болохгүй. 

ЯМАР САВ ХЭРЭГЛЭВЭЛ ЗОХИСТОЙ ВЭ?