Хятад улс хаалгаа хэзээ ч хаахгүй

2023-10-27 09:53:00

Сүүлийн үед Америк Хятадад хагас дамжуулагч экспортлоход тавих хяналтын эцсийн дүрэм гаргаж, Европын холбоо Хятадад үйлдвэрлэсэн цахилгаан машинд нөхөн мөрдөн байцаалт явуулж эхэлснээ зарлав. Их Британийн хэвлэл мэдээллийн  нэрт тоймч хэлэхдээ, "Барууны орнууд нээлттэй байдлаасаа ноцтойгоор ухарвал үүний сөрөг үр дагавар барууны орнууд болон Хятадад аль алинд нь муугаар нөлөөлнө" гэв. 

Үүнтэй холбогдуулж Хятадын ГХЯ-ны хэвлэлийн төлөөлөгч Мао Нин 10-р сарын 26-нд хэлэхдээ,  "Нээлттэй байх нь ахиц дэвшил авчирдаг бол тусгаарлагдмал байдал нь хоцрогдолд хүргэх нь гарцаагүй. Ши Жиньпин дарга "Хятадын хаалга хаагдахгүй, харин улам бүр нээгдэнэ" гэж олон удаа онцолсон. Хятад улс ингэж хэлсэн, ингэж ч хийсэн" гэв 

Өнгөрсөн долоо хоногт Ши Жиньпин дарга "Бүс ба Зам" олон улсын хамтын ажиллагааны дээд хэмжээний 3 дахь чуулга уулзалтын нээлтэд хэлсэн үгэндээ, аж үйлдвэрийн салбарт гадаадын хөрөнгө оруулалт татахад тавьсан хязгаарлалтыг бүрмөсөн цуцална гэж мэдэгдсэн нь Хятад улс нээлттэй байдлаа идэвхтэй өргөжүүлэх шийдвэр төгс байгааг харуулж байна. Одоо зохиогдож байгаа Гуанжөүгийн 134 дэх яармаг дэлхийн олон мянган бизнес эрхлэгчдийн сонирхлыг татаж байна. Ирэх сард Шанхай, Ханжөүд Хятадын олон улсын импортын экспо, дэлхийн дижитал худалдааны яармаг тус тус зохиогдоно. 

Энэ оны импортын бараа бүтээгдэхүүний экспогийн цар хүрээ, оролцох дэлхийн Топ-500 болон салбарын тэргүүлэгч компаниудын тоо түүхэн дээд хэмжээнд хүрнэ. Дэлхийн эдийн засгийн хөгжлийн түүхээс харвал худалдааг ивээх үзэл нь "өөдөө шийдсэн чулуу өөрийн толгой дээр тусах" ганцхан үр дүнтэй. Хятад улс дээд түвшний нээлттэй байдлаа тууштай дэмжиж, нээлттэй дэлхийн эдийн засгийг байгуулахыг дэмжинэ гэв.