“Дэлхийн хиймэл оюун ухааны засаглалын санаачилга” дэвшүүллээ

2023-10-19 14:02:00

Өнөөдөр, 18-нд Хятадын ГХЯ-ны хэвлэлийн төлөөлөгч “Дэлхийн хиймэл оюун ухааны засаглалын санаачилга”-тай холбоотой асуудлаар сэтгүүлчдийн асуултад хариулав. “Өнөөдөр, 18-нд Ши Жиньпин дарга "Бүс ба Зам" олон улсын хамтын ажиллагааны дээд хэмжээний чуулга уулзалтын нээлтэд илтгэл тавихдаа “Дэлхийн хиймэл оюун ухааны засаглалын санаачилга” дурдсан. Үүний дэлгэрэнгүй агуулга, мөн Хятад улс уг санаачилгыг дэвшүүлж байгаа нь ямар ач холбогдолтой вэ? гэсэн сэтгүүлчийн асуултад ГХЯ-ны хэвлэлийн төлөөлөгч хэлэхдээ, "Хиймэл оюун ухаан бол хүн төрөлхтний хөгжлийг илэрхийлсэн шинэ салбар болж байна. Энэ нь том боломж авчрахын зэрэгцээ төсөөлшгүй эрсдэл сорилт дагуулах учир олон улсын хамтын нийгэмлэг хамтдаа шийдвэрлэх шаардлагатай.

Өнөөдөр үдээс өмнө Ши Жиньпин дарга "Бүс ба Зам"-ын дээд хэмжээний чуулга уулзалтад илтгэл тавихдаа “Дэлхийн хиймэл оюун ухааны засаглалын санаачилга”-ыг дурдсан. Энэ бол Хятад улс хүн төрөлхтний хувь заяаны нэгдмэл цогцын олон үзэл баримтлалыг идэвхтэй хэрэгжүүлж буйн нэг юм. Хятад улс Дэлхийн хөгжлийн санаачилга, Дэлхийн аюулгүйн байдлын санаачилга, Дэлхийн соёл иргэншлийн санаачилгыг бодитоор хэрэгжүүлж байгаа билээ. Энэхүү шинэ санаачилга олон улс анхаарлаа хандуулж буй хиймэл оюун ухааны хөгжил, түүний засаглалын асуудлын тухай бүтээлч шийдлүүд дэвшүүлж, олон улсад хэлэлцүүлэг явуулах, дүрэм журам боловсруулах санал гаргаж байгаа юм. 

Дэлхийн хиймэл оюуны засаглалын талаар талуудтай нээлттэй санал солилцож, ажил хэрэгчээр хамтран ажиллаж, хиймэл оюун ухааны технологийг ахиулж, хүн төрөлхтөнд үр өгөөж хүртээхэд Хятад улс бэлэн байна гэж хэвлэлийн төлөөлөгч хариулжээ.