Ухаалаг Азийн наадам

2023-09-29 13:51:00

"Ухаалаг" - энэ бол Азийн 19 дэх спортын наадмын талаарх хүмүүсийн санал нэгтэй сэтгэгдэл" гэж Энэтхэгийн сэтгүүлч Жасприт Сахни саяхан “Энэтхэг Times” сонины цахим хуудсанд ингэж үнэлжээ. Нээлтийн арга хэмжээн дэх дижитал гал бамбарчин, жолоочгүй AR ухаалаг автобус, олон албан тушаалд үйлчилдэг "робот баг"... Ханжөүгийн Азийн 19 дэх наадмын гадна дотно ашиглаж буй өндөр технологийн элементүүд... энэ бүхэн нь олон улсын яригдах халуун сэдвүүд болж байна. 

Ханжөүгийн Азийн наадам нь түүхэнд анхны "ухаалаг" тэмцээний үзэл баримтлалыг дэвшүүлсэн Азийн наадам боллоо. Техникийн хувьд олон “анхныг” бий болгосон. Ханжөүгийн Азийн наадам нь спортын ур чадвараа сорих томоохон тэмцээн төдийгүй Хятадын дижитал технологийн хөгжлийг харуулсан үзүүлбэр гэж гадныхан үнэлж байна. 

Ханжөүг Хятадын "Дижитал хот" гэгддэг. Түүний байрлаж буй Жэжян муж нь Хятад маягийн шинэчлэлийн тэргүүлэгч бөгөөд инновацид тулгуурласан хөгжлийн шинэ давуу талыг бий болгож байна. Холбогдох статистик тоо баримтаас үзвэл, 2022 онд Ханжөү хотын дижитал эдийн засгийн гол салбаруудын нэмүү өртөг анх удаа 500 тэрбумаас давж, 507 тэрбум 600 сая юаньд хүрч, ДНБ-ий 27.1 хувийг эзэлж байна.

Мөн онд Жэжян мужийн дижитал эдийн засгийн үндсэн салбаруудын нэмүү өртөг 897 тэрбум 700 сая юаньд хүрч, ДНБ-ий 11.6 хувийг бүрдүүлсэн байна. “Дижитал эдийн засгийн” давуу талуудын ачаар Ханжөүгийн Азийн спортын наадам гадаад ертөнцөд шинэлэг технологийн туршлагыг авчирсан юм. Үүлэн технологи нь Ханжөүгийн Азийн наадмыг эрчтэй дэмжиж, томоохон уралдаан тэмцээний дижиталчлалыг түгээн дэлгэрүүлэхэд бат бөх үндэс суурь тавьсан гэж Олон улсын олимпийн хорооны мэдээллийн технологийн ахлах ажилтан Элларио Коннер хэлсэн байна. Өнгөрсөн таван жилд Хятадын нийт нийгмийн судалгаа хөгжилд зарцуулсан хөрөнгө оруулалтын хэмжээ 2.1%-иас 2.5% болтол дээшилж, шинжлэх ухаан технологийн дэвшилд оруулсан хувь нэмэр 60 гаруй хувь болж нэмэгджээ. Нисэгчидтэй сансрын хөлөг, супер компьютер, квант мэдээлэл зэрэг салбарууд инноваци бий болгосоор байна. Дэлхийн оюуны өмчийн байгууллагаас энэ сарын 27-ны өдөр нийтэлсэн "Дэлхийн инновацийн индекс 2023"-ын тайланд, Хятад улс жил бүр энэ жагсаалтад 12-т орж, эхний 30-т багтдаг цорын ганц дунд орлоготой эдийн засагтай орон болсон байна.

"Энэ удаагийн Азийн наадам нь экологид хариуцлага хүлээж, ногоон эрчим хүчийг ашиглан, нүүрстөрөгчийн саармаг байдлыг бий болгохыг хичээсэн" гэж Францын телевизийн хөтлөгч тайлбарлав. "Ухаалаг Азийн наадам"-д харуулсан "ногоон" нь Хятад маягийн орчин үеийн хөгжил нь хүн байгаль эв найртай зэрэгцэн орших орчин үеийн шинэ замаар замнаж байгааг гэрчилж байна.

Сингапурын цахим мэдээллийн хэрэгсэл тусгай булаг ажиллуулж, 621 сая кВт.цаг цэвэр цахилгаан эрчим хүчийг бусад бүс нутгаас нийлүүлэх, олон арван талбай заалыг ажиллуулах, олон мянган цахилгаан машин цэнэглэх станц, цэнэглэх багана зэргийг байгуулсан Азийн наадмын "гайхалтай" ногоон үзүүлэлтүүдэд судалгаа хийжээ. Нээлтийн ёслолын үеэр цахим салют буудахаас эхлээд Олимпийн спортын төвийн усан сэлэлтийн ордонд жилд 180 мянган тонн ус хэмнэж, орхигдсон уурхайнуудыг барьж, спортын тэмцээний талбай заал болгон хөгжүүлсэн зэрэг ажлууд нь Ханжөүгийн Азийн наадам нь Хятад маягийн орчин үеийн ногоон хөгжлийн үзэл баримтлалыг бүрэн тусгасан юм. "Ухаалаг Азийн наадмаас"-аас Хятад маягийн орчин үеийн шинэчлэл ба хүн төвтэй өнгө төрхийг мэдэрч болох юм. Жэжян муж одоогоор өндөр чанартай хөгжлөөр хамтын хөгжил цэцэглэлтэй үлгэр жишээ бүс байгуулж байна. Ханжөүгийн Азийн наадмын "хүн төвтэй, хүн бүхэн оролцох боломжтой" бодлого нь Хятадын хөгжлийн дүр төрхийг харуулж байна. Түүнчлэн Азийн наадмын тэмцээний талбай заал нь зөвхөн Ханжөү зэрэг томоохон хотуудад бариад зогсохгүй Чунь-ань, Тунлү зэрэг жижиг хотуудад байгуулж, улам олон хүн Азийн наадмыг мэдрэх, оролцох боломжийг хангасан байна. Азийн Олимпийн зөвлөлийн даргын үүрэг гүйцэтгэгч Ража Рандхир Сингхийн хэлсэнчлэн Ханжөүгийн Азийн наадамд оролцсон хүн бүхэнд мартагдашгүй дурсамж үлдээнэ гэдэгт итгэлтэй байна.