Хятадын сэргээгдэх эрчим хүчний хөгжил урагшилж байна

2023-07-21 10:41:00

Хятадын Эрчим хүчний үндэсний газраас өнөөдөр нийтэлсэн тоон мэдээлэлд дурдсанаар, энэ оны эхний хагаст Хятадын сэргээгдэх эрчим хүчний хөгжил эрчимтэй урагшилж, цахилгаан гаргах цогцолборын хүчин чадал тогтвортой нэмэгджээ.

Энэ оны зургадугаар сарын эцэс хүртэл, усан цахилгаан станцын суурилагдсан хүчин чадал 418 сая киловатт, салхины эрчим хүчний суурилагдсан хүчин чадал 390 сая киловатт, нарны эрчим хүчний суурилагдсан хүчин чадал 471 сая киловатт, биомассаас эрчим хүч үйлдвэрлэх суурилагдсан хүчин чадал 43 сая киловатт, сэргээгдэх эрчим хүчний нийт суурилагдсан хүчин чадал 13 тэрбум киловаттыг давж 1 тэрбум 322 сая киловаттад хүрсэн нь өнгөрсөн оны мөн үеэс 18.2 хувиар нэмэгдсэн бөгөөд Хятадын нийт суурилагдсан хүчин чадлын 48.8 орчим хувийг эзэлсэн байна. Энэ оны 1-6-р сард, Хятадын сэргээгдэх эрчим хүчний шинэ суурилагдсан хүчин чадал 109 сая киловаттад хүрсэн нь үндэсний шинэ суурилагдсан хүчин чадлын 77 хувийг эзэлжээ.