Өөрийн хөгжлөөр дэлхий дахинд улам их боломж олгоно

2023-07-20 12:50:00

Хятадын ГХЯ өнөөдөр ээлжит хэвлэлийн бага хурал хийлээ. Саяхан НҮБ-ын Худалдаа хөгжлийн бага хурлаас гаргасан “2023 оны дэлхийн хөрөнгө оруулалтын тайлан”-д дурдсанаар, 2022 онд Хятадын татсан гадаадын шууд хөрөнгө оруулалтын хэмжээ 5%-иар нэмэгдэж, 189 тэрбум 100 сая ам.долларт хүрч, дээд амжилт тогтоосон байна. Үүнтэй холбогдуулан ГХЯ-ны хэвлэлийн төлөөлөгч Мао Нин хэлэхдээ, дэлхийн эдийн засаг томоохон сорилттой тулгарч буй нөхцөл байдалд, Хятадын гадаад хөрөнгө оруулалтыг татах чиг хандлага эсрэг өсөлттэй байгаа нь Хятадын зах зээл асар их татах хүчинтэй байгааг харуулж байна. Түүнчлэн дэлхий дахин Хятадын эдийн засгийн хэтийн төлөвт итгэл найдвартай байгааг харуулж байн гэжээ.

Мао Нин хэлэхдээ, энэ он гарснаас хойш, үндэстэн дамнасан компаниудын удирдлагууд Хятадад айлчлал хийх нь олширлоо. Гадаадын хөрөнгө оруулалттай аж ахуйн нэгжүүд Хятадын зах зээлийг илүү харж үзэн, хөрөнгө оруулах хүсэлтэй байгаагаа илэрхийлж байна. Хятад улс бол эдийн засгийн даяаршил, хөрөнгө оруулалтын дэмжлэгээс үр шимийг нь хүртэгч, бүр ч хувь нэмэр оруулагч юм. Ирээдүйд Хятад улс өөрийн хөгжлөөрөө дэлхий дахинд илүү их зах зээлийн, хөрөнгө оруулалтын, өсөлтийн боломжийг хангах болно. Мөн нээлттэй хэлбэрийн дэлхийн эдийн засгийг байгуулахын тулд талуудтай хамтран ажиллахыг хүсэж байна гэжээ.