“Баатарлаг Жангар” туулийг 1000 туульч хайлах арга хэмжээ энэ сарын 12-нд Говь-Алтай аймагт болно

2023-02-08 14:20:00

“Туульсын хаан Жангар” арга хэмжээ зохион байгуулах гэж буйг Соёлын яамнаас мэдээллээ. 

Тодруулбал, Монгол Улсын яаралтай хамгаалах шаардлагатай соёлын биет бус өвийн үндэсний бүртгэлд багтсан “Монгол Жангар хайлах” өвийг сэргээх, хадгалан, хамгаалах, өвлүүлэн үлдээх зорилгоор уран зохиолын оргил гэгдэх “Баатарлаг Жангар” туулийг 1,000 туульч хайлах арга хэмжээг энэ сарын 12-нд Говь-Алтай аймагт зохион байгуулах аж. 

Энэ хүрээнд 1,000 туульч эл туулийн 17 бүлгийг хайлах юм байна.

Мөн Алтай ятга, морин хуур, товшуур зэрэг үндэсний хөгжмөөс бүрдсэн 300 гаруй хөгжмийн чуулбар чуулна гэдгийг мэдээллээ.