Энэ долоо хоногийн сүүлээр хүйтний эрч суларна

2023-01-25 10:04:00

ЦУОШГ-аас танилцуулсан цаг агаарын долоон хоногийн урьдчилсан мэдээнд, энэ долоо хоногийн сүүлээр хүйтний эрч суларна гэж дурдсан байна.

Агаарын хэмийн тоон утгуудыг харвал пүрэв, баасан гарагт шөнөдөө дунджаар -25 хэм, өдөртөө -15 хэм байхаар байна. Харин бямба гарагаас эхлэн өдөртөө нэг оронтой утга руу, шөнөдөө -20 доторх утга руу буух хандлагатай байгаа юм.

Энэ сарын 26-нд Хангай, Хэнтийн уулархаг нутгаар, 28-нд төвийн аймгуудын нутгийн хойд хэсэг, зүүн аймгуудын нутгийн зарим газраар, 29-нд  зүүн аймгуудын нутгийн зүүн хэсгээр цас орж, явган шуурга шуурна.

Салхи 26-нд Алтайн уулархаг нутгаар, 27, 28, 29-нд говь, тал, хээрийн нутгаар секундэд 14-16 метр хүрч ширүүснэ. 27-ноос ихэнх нутгаар хүйтний эрч эрс суларч Дархадын хотгор, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, голын хөндийгөөр шөнөдөө -31...-36 градус, өдөртөө -20...-25 градус хүйтэн.

Увс нуурын хотгор, Эг, Үүр, Орхон, Сэлэнгэ, Хараа, Ерөө, Туул, Тэрэлж, Онон, Улз, Хэрлэн, Халх голын хөндийгөөр шөнөдөө -26...-31 градус, өдөртөө -12...-17 градус, говийн бүс нутгийн баруун өмнөд хэсэг болон цас багатай газраар шөнөдөө -12...-17 градус, өдөртөө -1...-6 градус, бусад нутгаар шөнөдөө -19...-24 градус, өдөртөө -9...-14 градус хүйтэн байна.

Эх сурвалж: ЦУОШГ


Занги сурвалжлага


Занги нийтлэл



ШИНЭ МЭДЭЭ


ОЛОН НИЙТИЙН СҮЛЖЭЭ


Мэдээллийг хуулбарлах хориотой. 2023 он.
© Занги.мн сайт бүх эрх хуулиар хамгаалагдсан.