Сурагчдын амралтын хуваарь хэвээр, нэгдүгээр сарын 30-нд хичээл эхэлнэ гэв 

2023-01-23 10:07:00

Ойрын өдрүүдэд хүйтний эрч чангарч буйтай холбоотойгоор томуу, томуу төст өвчний тархалттай холбоотойгоор амралтыг сунгах хэрэгтэй гэж олон нийтийн сүлжээгээр иргэд байр сууриа илэрхийлээд байсан юм. Үүнээс шалтгаалан сурагчдын амралтыг сунгаж магадгүй гэх мэдээлэл ч гараад байгаа юм.

Тэгвэл  Боловсрол, шинжлэх ухааны яамнаас сурагчдын амралтын хуваарь хэвээрээ байгаа гэдгийг мэдэгдлээ.

Ерөнхий боловсролын сургуулийн сурагчдын амралт нэгдүгээр сарын 29-нийг дуустал үргэлжилнэ. Сурагчдын хоёрдугаар улирлын хичээл энэ сарын 30-нд эхэлж, найман долоо хоног үргэлжлэх юм.