​АНУ-д цасан шуурганы улмаас 26 хүн амиа алджээ

2022-12-26 11:35:00

Хойд Америк, Канад, АНУ-ын төвийн болон хойд хэсгийн ихэнх нутгаар их хэмжээний цас орж, цасаар шуурч, цаг агаарын гамшигт үзэгдэл болж байна. Олон жил үзэгдээгүй их хэмжээний цас орсноос болж замууд хаагдаж, халтиргаа гулгааны улмаас авто осол бүртгэгдэж, олон тооны хүн амиа алджээ. Хамгийн сүүлийн мэдээгээр АНУ даяар цаг агаарын гамшигт үзэгдлээс болж 26 иргэн амиа алдсан байна.

Түүнчлэн, гэнэтийн хүйтрэлээс болж цахилгаан дамжуулалтын шугам, дэд станцууд хөлдөж, олон мянган өрх цахилгаангүй болоод байгаа аж.  Үндэсний цаг уурын албаны мэдээлснээр, Нью-Йоркийн Буффало орчимд 43 см зузаан цас орсон бөгөөд тус бүс хамгийн их гамшигт өртсөн магадгүй юм.

Буффало мужид их хэмжээний цас орсноос зам хаагдаж, хоёр хоног машиндаа цацаж, цаашлаад тусламж авч чадалгүй хөлдөж нас барсан тохиолдол бүртгэгджээ. Цахилгаан тасарсны улмаас иргэд гэртээ маш хүйтэн жавартай нөхцөл байдалд байгааг мужийн захирагч нь мэдээлсэн байна. Өнгөрсөн амралтын өдрүүдэд болсон цасан шуургыг "Буффалогийн түүхэн дэх хамгийн аюултай шуурга" гэж нэрлэжээ. 

Мөн цаг агаарын гамшигт үзэгдлийн улмаас АНУ даяар 7.4 мянган нислэг хойшилж, 3.4 мянган нислэг цуцлагдсан байна. 

Эх сурвалж: CNN


Занги нийтлэл


Хэн юу хэлэв



ШИНЭ МЭДЭЭ


ОЛОН НИЙТИЙН СҮЛЖЭЭ


Мэдээллийг хуулбарлах хориотой. 2024 он.
© Занги.мн сайт бүх эрх хуулиар хамгаалагдсан.