АМРАЛТЫН ӨДРӨӨРӨӨ: Буррито хийж сурцгаая

2022-12-02 16:04:00

Буррито нь мексик үндэсний зоог бөгөөд бид түргэн хоол гэдгээр нь мэднэ. Тиймээс гэрийн нөхцөлд ч гэсэн та үүнийг маш хялбар аргаар түргэн хугацаанд хийж болох аж. Тиймээс та бүхэнд өнөөдөр хялбар аргаар Буррито хийх жорыг танилцуулахаар бэлтгэлээ. 

1. Орц

• 2 хоолны халбага наранцэцгийн тос
• 1 сонгино, жижиглэсэн
• 4 хумс саримс, жижиглэсэн
• 1 цайны халбага давс
• 1 чимх улаан чинжүүний нунтаг (хэрэв хүсвэл нэмж болно)
• 1 халбага хатаасан орегано
• 500 гр үхрийн мах
• 1 чимх элсэн чихэр
• 1 цайны халбага алимны цуу
• 400 гр жижиглэсэн улаан лооль
• 400 гр лаазтай шош эсвэл буурцаг
• 8 гурил эсвэл эрдэнэ шишийн тортилла
• 500 гр чанасан будаа 

2. Хийх заавар

Том хайруулын тавган дээр тосоо халаана. Дараа нь сонгиноо хийгээд алтан шаргал болтол нь хуурна. Ингээд саримс, халуун ногоо, ореганогоо нэмээд 8 минут болгоно. Түүн дээрээ махаа хийгээд 5 минутын турш хутгаж, шаргал болтол хуураарай. Энэ зуур дээр нь элсэн чихэр давсаа хийж хутгаад нэг минут байлгаад цуу, улаан лоолио хийж амтална.

Махаа 5 минут болгоод дээр нь шошоо хийнэ. Үхрийн махан дээрээ ус хийгээд 20 минутын турш хутгаж буцалгана. Шөлнөөс нь бага зэргийг авч соус болгон ашиглана. Энэ зуур будаагаа агшаахаа мартав. 

Буррито бэлтгэхийн тулд тортиллагаа эхлээд халаана. Хэрвээ та дэлгүүрээс авсан бол савлагаан дээр заавар бичсэн байгаа. Халаасан тортиллан дээрээ будаа, хуурсан үхрийн махаа хийж зааврын дагуу тортиллагаа орооно.

Хэрвээ хүсвэл та ороосон бурритогоо хайруулын таваг дээр хайрч болно. Ингэхдээ хайруулын тавгаа дахин тосолж халаана. Дараа нь бурритогоо хийгээд нэг талыг нь 1 минутаас ихгүй хайрах хэрэгтэй.

Ингээд таны амтат тортилла бэлэн боллоо. Нэмж хэлэхэд халуун дээр нь идэх хэрэгтэй шүү. Сайхан хооллоорой.