10 мянгаас дээш хүн амтай сум суурин газрын цахилгааны шөнийн тарифыг хөнгөлнө

2022-11-30 16:26:00

Ирэх 2023 оны төсөвт  гэр хорооллын айл өрхөд цахилгааны тарифыг  хөнгөлөлтөд 33 тэрбум төгрөг тусгасан. Тус хөнгөлөлтөд нийслэлийн 125 мянган айл,  сум суурингийн 48 мянган айл өрх хамрагдана. 

Ингэхдээ 10 мянгаас дээш хүн амтай сум суурин газрын гэр хорооллын өрхийн цахилгааны шөнийн тарифыг арваннэгдүгээр сарын 1-нээс ирэх оны дөрөвдүгээр сарын 1-ний хооронд хөнгөлөхөөр болсон юм. 

Энэ талаар ЗТХ-ийн сайд С.Бямбацогт “Агаарын бохирдлыг бууруулах, яндангийн тоог цөөлөх зорилготой энэ хөнгөлөлт ачаалал багатай шөнийн цагаар ямар ч үнэгүйгээр хойд хөршид нийлүүлдэг илүүдэл эрчим хүчээ иргэд айл өрхүүддээ өгөөжтэй хүртээх гэсэн төрийн бодлого. Тиймээс цахилгааны шөнийн тарифын хөнгөлөлтөд хамрагдахын тулд айл өрхүүд цагийн ялгууртай тоолууртай болох нь чухал” гэв.