Маргааш дэлхийн хүн ам НАЙМАН тэрбум хүрнэ гэж НҮБ-аас мэдээллээ

2022-11-14 10:05:00

Маргааш буюу 2022 оны 11 дүгээр сарын 15-ны өдөр дэлхийн хүн ам 8 тэрбум хүрнэ гэж Нэгдсэн Үндэсний байгууллагаас мэдээллээ. 

Энэ нь дэлхийн хүн амын тоо 1950 онд 2.5 тэрбум байснаас гурав дахин их байгаа юм. 

Дундаж наслалт, нөхөн үржихүйн насны хүмүүсийн тоо нэмэгдсэнээр дэлхийн хүн ам 2030 онд 8.5 тэрбум болж өснө гэж НҮБ таамаглаж байна. Улмаар 2050 онд 9.7 тэрбум, 2080-аад онд дээд тал нь 10.4 тэрбум болно гэж таамаглажээ.

Хүн амын энэ өсөлт нийгмийн эрүүл мэнд, хоол тэжээл, хувийн ариун цэвэр сайжирч, анагаах ухаан хөгжиж дэвшсэнээр амьдралын чанар дээшлэн, хүний нас аажмаар уртасч байгаатай холбоотой гэв.