Хүүхдийн мөнгийг 100 мянган төгрөгөөр нийт хүүхдийн 91 хувьд олгоно

2022-11-10 17:33:00

Засгийн газраас хүүхдийн мөнгийг 100 мянган төгрөгөөр олгохоор болсон. Ингэхдээ нийт хүүхдийн 91 хувьд олгохоор төсөв өргөн барьсан. Тэгвэл бүх хүүхдэд ижил тэгш олгох ёстой гэж нийгэмд маргаан, шүүмжлэлийг дагуулаад байсан юм. 

Үүнтэй холбоотойгоор УИХ-ын гишүүн, Төсвийн байнгын хорооны дарга Г.Тэмүүлэнгээс тодруулахад "Ирэх оны төсөвт хүүхдийн мөнгийг 91 хувьд нь 100 мянган төгрөгөөр олгохоор болсон. Цаашдаа халамжийн бодлогоо хөдөлмөр эрхлэлттэй уялдуулах зайлшгүй шаардлага байна. Халамжийн бодлогод зарцуулж байгаа, төсвөөс гарч байгаа зардал болгон эргээд эдийн засагтаа үр өгөөж өгдөг, тодорхой ажлын байрыг нэмэгдүүлдэг, татвар төлөгчдийг нэмэгдүүлдэг хөшүүрэг болгож ашиглах ёстой гэж харж байгаа” гэв.