Долоо хоногт коронавирусийн халдварын 772 тохиолдол бүртгэгджээ

2022-11-09 12:05:00

Коронавируст халдварын шин хувилбарын талаар Халдварт өвчин судлалын үндэсний төвөөс мэдээлэл хийлээ. 

Сүүлийн өдрүүдэд коронавируст халдвараар өвчлөх тохиолдол нэмэгдэж байна.  

ДЭМБ-аас коронавирусийн халдвар хаммгийн их тархалттай байгаа улс орнуудыг зарласан байна. Нэгдүгээрт Япон, хоёрдугаарт БНСУ, дөрөвдүгээрт БНХАУ, 7-рт ОХУ жагсаж байна.

Харин манай улсын хувьд энэ долоо хоногт 772 тохиолдол бүртгэгдсэн байна. Өмнөх 7 хоногт 357 тохиолдол бүртгэгдэж байжээ. Халдварын тархалт 2 дахин өссөн байна.

Улсын хэмжээнд коронавирусийн халдвартай 349 хүн эмнэлэгт хэвтэн эмчлүүлж байна.

Түүнчлэн омикроны шинэ хувилбар тодорхойлогдсон байна. 

Тиймээс томуугийн тархалт болон коронавирусийн халдвар ихсэж байгаа учир амны хаалт зүүх, зай барих, гараа угаах, дархлаагаа дэмжих зэрэг  халдвар хамгааллын дэглэмээ барихыг зөвлөлөө.