Самарт яваад сураггүй алга болсон иргэнийг эрэн хайж байна

2022-10-07 10:05:00

Сэлэнгэ аймгийн Цагааннуур суманд самарт яваад сураггүй алга болсон 43 настай иргэнийг есдүгээр сарын 30-ны өдрөөс хойш эрэн хайж байна. 

Тус сум руу есдүгээр сарын 26-ны өдөр самар түүхээр найман хүн явснаас иргэн Ө нь 30-ны шөнө 02:00 цагаас хойш сураггүй алга болжээ. 

Ингээд эрэн хайх ажиллагаанд дэмжлэг үзүүлнэ үү гэсэн хүсэлтийг аймгийн Цагдаагийн газраас аравдугаар сарын 06-ны өдрийн 12:20 цагт онцгой байдлын газар хүлээн авчээ. Аймгийн Онцгой байдлын газрын Эрэн хайх, аврах ангийн алба хаагчид Сэлэнгэ аймаг, Алтанбулаг сумын харьяат иргэн Ө-г тухайн өдрийн 15:04 цагаас эхлэн эрэн хайх ажиллагааг зохион байгуулж эхэлжээ.

Эх сурвалж: Онцгой байдлын ерөнхий газар