Ж.Батзандан: Надтай хамт тэмцэж байсан нөхөд Төрийн ордонд дулаахан оффист тухлан сууж байна

2022-10-06 17:11:00

УИХ-ын гишүүн асан Ж.Батзандан шинэ хувьсгал хөдөлгөөнийг байгуулж байгаа талаар өнөөдөр тэрбээр мэдээллээ.

Гурван жилийн өмнө буюу 2019 онд Д.Сүхбаатарын талбайд шударга таван гишүүний нэг хэмээн түүний хувьд жагсаал цуглааныг зохион байгуулж байсан удаатай. Бидэнтэй хамт тэмцэж байсан нөхөд ордон дотор дулаахан оффист тухлан сууж байна. Харин миний хувьд Шинэ хувьсгал хөдөлгөөнийхөө байранд сууж байна. Тухайн үед төв талбайд цугласан 50 мянган иргэн юу хүсэж байсныг бид мартах ёсгүй. Тиймээс юуны төлөө тэмцэж байснаа сануулахын тулд шинэ хувьсгал хөдөлгөөнийг  байгуулсан гэв. 

Ж.Батзандан "У.Хүрэлсүх ерөнхийлөгч таван гишүүнтэй хамтарч Миеэгомбын бүлэглэлийг засаг төрөөс холдуулаад, ард түмнийг өмч хөрөнгийг хулгай хийсэн нөхдөд хариуцлага тооцно гээд шударга ёсыг тогтооно гэж тэмцэж байсан цаг саяхан. Гэтэл хамт тэмцэж явсан нөхдөө шоронгоор айлгадаг болсон байна. Ж.Батзандан чи хамаагүй юм яривал шорон хүлээж байгаа шүү гэж хэлдэг болсон. Бид хэн нэгэнтэй муудахыг хүсэхгүй байна. Ялангуяа том дарга нар, булчинтай хүмүүсээс айж байгаа" гэлээ.