Турк-УБ чиглэлийн нислэгээр ирсэн хоёр иргэнээс халдвар илэрчээ

2021-11-29 12:20:00

Covid-19  халдварын шинэ "Омикрон" хувилбар гарсантай холбогдуулан УОК болон ХӨСҮТ мэргэжлийн байгууллагууд нисэх онгоцны буудалд шуурхай ажиллаж байна. Эрүүл мэндийн сайдын тушаалаар ХӨСҮТ-ийн баг Улаанбаатар хотод буусан онгоцноос шинжилгээ авч нэвтрүүлж буй юм. Өчигдөр Турк-Улаанбаатар чиглэлийн нислэгээр  ирсэн 200 гаруй зорчигчоос түргэвчилсэн шинжилгээ авахад хоёр хүний шинжилгээний хариу эерэг гарчээ. Халдвартай хоёр хүн нь гадаадын иргэд аж. Одоогоор уг вирус шинэ төрлийн "Омикрон" болох эсэх нь тодорхойгүй байна. Шинжилгээний хариу эерэг гарсан хоёр иргэнийг тусгаарлаж, бусад зорчигчийг гэр гэр рүү нь  явуулжээ.