С.Эрдэнийн нэрийг барьж Кёкүшюүзан Батбаяраас их хэмжээний МӨНГӨ ЗАЛИЛЖЭЭ

2022-09-14 16:52:00

АН-ын хэрэг эрхлэх газрын дарга асан Э.Одбаярыг залилах гэмт хэрэгт холбогдуулан шалгаж байна. Тэрбээр АН-ын дарга С.Эрдэнийн нэрийг зээлдэн УИХ-ын гишүүн асан Кюүкшүзан Батбаяр болон түүний гэргий МУГЖ Т.Баясгалан нараас олон удаагийн үйлдлээр их хэмжээний бэлэн мөнгө залилсан гэнэ. 

Ингэхдээ С.Эрдэнэ даргын бие муудсан эмчилгээний мөнгө хэрэгтэй байна. Сонгуулийн зардалд нь хандив өгөөч гэх зэргээр Кюкшүзан Батбаяр нарыг хууран мэхэлж итгэлийг нь төрүүлэх замаар 600 орчим сая төгрөг залилж авчээ.

 Энэ хэрэг 2020 онд болсон ба АН-ын дарга С.Эрдэнэ Кюүкшүзан Батбаяраас Сакура сургуулийг нь худалдан авах үеэрээ энэ талаар мэдэж хуулийн байгууллагад хандсан байна. Ташрамд дурдахад Э.Одбаяр нь АН-ын хэрэг эрхлэх газрын даргаар ажиллаж байхдаа АН-ын ҮЗХ-ны гишүүдийн татварын мөнгөөр казинодсон хэргээр ажлаасаа халагдаж байжээ. 

Мөн С.Эрдэнийн тун ойрын хүн байсан бөгөөд С.Эрдэнэ Хөдөлмөр нийгмийн хамгааллын сайдаар ажиллаж байхдаа Хүүхдийн төлөө газрын даргаар томилж байсан аж. 2020 оны сонгуулийн дараа С.Эрдэнээс салж Х.Баттулга, З.Энхболд нарын ойрын хүн болсон байна.