Аравдугаар сараас зөвхөн идэвхжүүлсэн НӨАТ-ын баримтад сугалаа явуулна гэв

2022-09-14 14:49:00

НӨАТ-ын сугалааг аравдугаар сараас эхлүүлнэ гэдгийг Сангийн сайд Б.Жавхлан мэдээллээ. 

Өмнө нь  уншуулсан, уншуулаагүй бүх сериал дугаарыг сугалаанд хамруулдаг байсан. Тэгвэл аравдугаар сараас зөвхөн уншуулсан, идэвхжүүлсэн  НӨАТ-ын баримтад сугалаа явуулна гэв. 

Иргэд ухаалаг утаснаасаа өөрийнхөө бүртгүүлсэн баримт сугалаанд бүртгэгдсэн эсэхийг хянах боломжтой. Азтан шалгаруулах үйл явцыг хянах боломжтой юм байна. 

Тавдугаар сараас НӨАТ-ын сугалааг зогсоосноор баримт бүртгүүлэх тоо 50 хувиар буурсан. Энэ нь НӨАТ-ын орлогод сөргөөр нөлөөлөх эрсдэл болж байгаа юм. Цаашлаад энэ нь далд эдийн засгийг дэмжих сөрөг нөлөөтэй гэдгийг салбарын сайд нь онцоллоо.