Кёкүшюзан Д.Батбаяр, Т.Баясгалан нарыг шүүх хурлыг хойшлуулж, энэ сарын 31-нд хийхээр болов

2021-11-18 14:06:00

Нийслэлийн Прокурорын газраас Кёкүшюзан Д.Батбаяр болон түүний эхнэр Т.Баясгалан нарт холбогдуулан Эрүүгийн хуулийн тусгай ангийн 17.3 дугаар зүйл /залилах/-ийн 2 дахь хэсгийн 2.2 дахь заалт, мөн хуулийн тусгай ангийн 18.6 дугаар зүйл /мөнгө угаах/-ийн 1 дэх хэсэгт зааснаар,

Нүрзээгийн Болормаа, Бөнтөгийн Цэрэндорж нарт холбогдуулан Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь заалтад зааснаар тус тус яллах дүгнэлт үйлдэж ирүүлсэн эрүүгийн хэргийг Хан-Уул дүүргийн Эрүүгийн хэргийн анхан шатны шүүх 2021 оны 11 дүгээр сарын 04-ний өдөр шүүхийн урьдчилсан хэлэлцүүлгээр хянан хэлэлцээд яллагдагч нарыг шүүхэд шилжүүлж шийдвэрлэсэн.

Д.Батбаяр нарт холбогдох хэргийн гэм буруугийн шүүх хуралдаан өнөөдөр болсон ч шүүгдэгч талын өмгөөлөгч нар шүүх хуралдаан давхацсан гэх шалтгаанаар хойшлуулаа. Улмаар энэ сарын 31-нд хийхээр болов.