Олон улсын инженерийн их сургуулийг Хүннү хотхонд байгуулна

2025-06-04 18:14:00

Өнөөдрийн Засгийн газрын ээлжит хуралдаанаар боловсролын салбарыг хөгжүүлэх, тулгамдсан асуудлыг шийдэх маш том шийдвэрүүд гарсан талаар Боловсролын сайд П.Наранбаяр мэдээллээ. 

Тодруулбал "2030 он гэхэд ЕБС-д 88 мянган хүүхэд нэмэгдэх тооцоолол гарсан. Үүнд бэлтгэж 108 сургууль, 95 цэцэрлэгийг барьж байгуулах хөрөнгө оруулалтын асуудлыг шийдвэрлэж, ирэх 2 жилийн төсөвт суулгахаар болсон байна. Мөн нийслэлд байгуулах сургууль, цэцэрлэгийн газрын асуудлыг шийдвэрлэхээр ажиллаж байгааг тэрбээр онцолсон юм. 

Түүнчлэн Олон улсын инженерийн их сургуулийг Хүннү хотхонд байгуулах, ШУТИС-ийн харьяа сургуулийг Өвөрмонголын аж үйлдвэрийн сургуультай хамтарсан сургуулийг байгуулах Засгийн газрын тогтоол гарсан байна. Ингэснээр жилд 3000 инженер нэмж бэлтгэн гарах боломж бүрдэж байна гэлээ.