БОХХААБХ: Тогтоолын төслийн удирдамжийг баталлаа

2025-06-03 17:30:00

Байгаль орчин хүнс хөдөө аж ахуйн байнгын хорооны өнөөдөр /2025.06.03/-ийн хуралдаанаар Малын генетик нөөцийн төлөв байдал, цаашид авч хэрэгжүүлэх арга хэмжээний хүрээнд байгуулсан Ажлын хэсгийн үйл ажиллагааны удирдамж батлах тухай байнгын хорооны тогтоолын төслийг хэлэлцэж, гишүүдийн олонх дэмжиж баталлаа.

УИХ-ын гишүүд монгол адууны омог үүлдэр угсааг сайжруулахад онцгой анхаарч, мэргэжлийн холбоод, шинжлэх ухааны эрдэмтдийг татан оролцуулах хэрэгтэй гэсэн саналыг хэлэв. Мөн Малын генетик нөөцийн тухай хуульд хяналт шалгалт хийх ажлын хэсэг тогтоолын төслийн хүрээнд гишүүдийн хэлсэн саналыг зөв томьёолж, санал дүгнэлтээ шуурхай боловсруулж хэлэлцүүлэхийг санууллаа. Малын чанарыг сайжруулах ажлын хүрээнд цөм сүргийг бүсчлэн, судалгаанд тулгуурлан хийх шаардлагатайг ажлын хэсэгт чиглэл болголоо.