Ж.Баярмаа: Ээж нь улс төрд явсных нь төлөө гүтгүүлэн доромжлуулсан охиноосоо  уучлалт гуйя

2025-05-05 14:40:00

Чуулганы нэгдсэн хуралдааны үеэр УИХ-ын гишүүн Ж.Баярмаа Ерөнхий сайд Л.Оюун-Эрдэнээс асуулт асуухад "С.Баярцогт даргын асуултад хариулъя" хэмээн егөөдсөнөөс хойш Баярмаа гишүүний тухай гарсан мэдээллүүдэд өөрөө залруулага хийлээ.

 "Ээж нь улс төрд явсных нь төлөө зураг, нэрээ тавиулж, гүтгүүлэн доромжлуулсан охиноосоо түмэнтээ уучлалт гуйя. 2020 онд танилцан, үзэл санаа, итгэл үнэмшлээрээ нэгдэн, улс төрийн клуб хамтран байгуулж, багагүй хугацаанд цугтаа яваа журмын нөхөр Майнбаярын Тулгат Эмми (эхнэр нь) 2-оо бас эвгүй байдалд оруулж (гүтгэлгийг хэдэн мянган гишүүнтэй хэдэн арван группүүдээр сэвүүлж) буйдаа гүнээ харамсаж, түмэнтээ уучлалт хүсье" хэмээв.