УИХ-ын гишүүн О.Амгаланбаатар Говь-Алтай аймгийн Эрдэнэ сумд ажиллалаа

2025-04-21 14:44:00

Салхины хурд 34м/с хүрсэн хүчтэй шороон шуурганы улмаас 162 айлын гэр унаж, 23 байшингийн дээвэр хууларч, 6 гэрлийн шон, 230 гаруй айлын хашаа унаж, ус, цахилгаан тасарсныг Улсын болон аймаг, сумын онцгой комисс, байгууллагууд, иргэд маань шуурхай арга хэмжээ авч ажиллан, гамшгийг даван туулж байна.

УИХ-ын гишүүн О.Амгаланбаатар газар дээр нь хүрч ажиллан үүссэн нөхцөл байдалтай танилцаж, орон нутгийн удирдлагууд, иргэдийн санал хүсэлтийг сонсож, улсын нөөцийн 50 тонн тэжээл, аймгийн нөөцийн 800 боодол өвс, Дэлхийн зөн ОУБ-аас олгож буй 31 гэрийг гамшигт өртсөн өрхүүдэд хүлээлгэн өглөө.